周融牽頭嘅反佔中保普選大聯盟，早前收集到過百萬叫反佔領者快啲返屋企，還路於民嘅簽名，仲向政務司司長林鄭月娥交功課，但近日似乎未見新猷。為咗唔好畀大聯盟有機會靜落嚟，有人就透過大聯盟嘅twitter，等大聯盟重振雄風。
疑被黑客入侵嘅大聯盟twitter，被日本女優、AV網頁、性感照片洗版，每時每刻都有「有味」訊息更新，圖文並茂，賬號仲俾人改埋名，叫做「保普選保佔中」。雖然被惡搞，但大聯盟至今並無修正，繼續讓鹹網訊息大行其道，唔知係大聯盟成員「有需要」閱讀，定係無需要再用呢個賬號呢？總之，八方希望大聯盟勿忘初衷。