雖則叫狼英考慮辭職不果，仲要俾中央搣柴，但自由黨田北俊都有另類收穫，就係人氣急升。港大民意研究計劃喺10月底至本月初向千名市民進行嘅調查顯示，田少再次打入最熟識政治人物十大，由4月時嘅24位急升至第8，白鴿黨主席卿姐亦由上次第14躍升至第10位，李柱銘同陳方安生則跌出榜外。至於第一位，就由狼英重奪，林鄭月娥同長毛緊隨其後。
八方勸狼英咪咁開心住，事關民研計劃總監鍾庭耀強調，排名同支持度無關，只係顯示政治生態改變，例如田少被免職等。
而一直有心重建政府同泛民關係嘅田少，噚日去信立法會工務小組要求退出，原因係佢自覺無力化解僵局。