【維基開戰之8點啟航】今日是電視史上一個大日子，走過荊棘滿途的香港電視（HKTV），兩年後負傷上陣，港視主席王維基擇日於今日撞無綫台慶日開台，擺明「挑機」。港視今午在金鐘萬豪酒店筵開36席，廣邀500位嘉賓和客戶聚餐，同場60多位演藝人晒冷。港視晚上8時直播頻道啟播，正面對撼無綫的《萬千星輝賀台慶》。
港視面對內憂外患，仍然向前衝，今日正式開台，晚上8時啟播直播頻道。日前直播頻道經過壓力測試，最終首播要放棄1080高清畫面，只可以推出720p高畫質；港視用的OTT（Over-The-Top）播放程式在SmartTV只可以收看直播，不能點播，雖然問題多多，但港視堅持啟航。
風車寓一帆風順
三位港視藝人周家怡、麥子樂和劉秉賓昨日相約去黃大仙祠為港視祈福開台大吉，順順利利，劇集叫好叫座，港視好，香港人好。他們手持九支香和寶牒到廟內參拜，周家怡在途中經過小檔攤，要求買一個寫上生意興隆和財源廣進的風車，最後她找到一個一帆風順的風車和一個白玉吊墜寓意馬到功成，她說：「呢幾日我經過電器舖佢哋都播緊HKTV，仲教人點樣用，喺呢個時候，我哋裝備好自己，雖然大家未知王生點樣營運呢間公司，我哋都未收到任何指令。」
求政府網開一面
麥子樂覺得演員只是等待時機和指示，他希望所拍的劇集觀眾可以有機會欣賞到，他說：「希望政府都唔好再玩！過山車心情已經夠喇！觀眾鍾意睇啲劇，公司先會覺得有得做，如果廣告唔係太多，王生都未必會玩落去，希望大家支持，政府都支持。」劉秉賓表示為港視祈求開台新劇報捷，網絡暢通和政府可以手下留情，他說：「希望開台多啲人睇，個網絡冇事，政府可以幫幫手。」
此外，曾志偉與汪明荃昨日在將軍澳為TVB台慶綵排，對於港視今日啟播，志偉說：「唔理誰勝誰負，最重要係大家睇電視，要團結、自救，睇乜嘢台都可以。」阿姐表示不會一大清早去看港視劇，只是好奇如何可以收看，她認為有競爭才有進步。
採訪：黃曉妍
攝影：陳慧安
【三個粉絲去首爾】
追星實錄，即上韓劇讀： http://hk.apple.appledaily.com/kstar