清場之後，退場的退場，自首的自首。
關於自首，急需懶人包，四點鐘許蛇光榮出山，解答下列疑問：
a，我是被梁振英煽動出來佔領的，我自首，他是佔領的禍首，幾時會拉佢？許答：阿松哥會處理。b，警隊那幾位「英雄」坐館的話，我自首遇着佢地，會不會又試「七俠五義」？許答：差館的暗角剛裝修好。c，我試過幫警察繩之於法捉壞人，自首時，會不會被多控一條「公眾場所打架」罪？許答：會，順便告埋你勾結外國勢力。d，我冇佔領過金旺銅，但一直支持雨傘運動，算唔算幫兇？許答：如果捐過水，算做金主。e，我八十歲的姑婆去過銅鑼灣送湯，警察會不會上門抄家？許答：佢個孫是周永康或岑敖暉的話，就抄硬，連底褲都唔放過！f，自首會不會註銷回鄉證？許答：坐監唔需要回鄉證。g，大家自首，警隊又可以claim加班費，你地經濟好景過以前，是雨傘運動的大贏家，同意嗎？許答：你咁講我好心痛，但冇補水還拖糧的話，我好肉痛！