【動Fun】加入娛樂圈一直是少男少女追求的夢想，可惜天生擁有「明星相」、「明星命」甚或「明星料」的人不多，欲要成為萬中無一的明星，可說是難過登天，但偏偏因為難入行，令這「明星夢」更引人入勝。無論新聞報道過多宗模特兒騙案、經理人走數個案、少女被騙財又被騙色的「冏況」好像從不間斷。
今集《冏訊》特別邀請當紅的Jeana（何佩瑜）真情剖白以及傳授「教精你心法」，以親身經歷，提醒追明星夢的年輕人：「小心行事的話，我覺得賊人便無機可乘！」
Jeana於2007年參加第二屆亞洲遊戲展小姐競選成為冠軍入行，其後憑態度及接近完美的樣貌身形平步青雲。不過，連這麼「醒目」的她，也試過被「走數」，騙去兩萬元薪金，更有一段時間壓力爆煲：「我試過和朋友吃飯時，突然衝出馬路，我竟然蹲在馬路中哭！那時候，我覺得我的心情已經是崩潰。這是我自己的經歷，我知道（圈中壓力）是怎樣，所以我想勸戒現在想入行的人。」
片中提及四種經典中的經典，等Jeana教精你，一齊逐一擊破！
1. Casting第一步 讚美洗你腦
手法：以七口砂糖三口大便的比例 ，令面試者人放下戒心及感到「鬆毛鬆翼」
Jeana回應：「我唔可以make sure呢個人（面試公司代表）百份百係假， 但如果你朋友陪你去，小心行事嘅話，我覺得賊人就無機可乘。 因為正常嘅公司，你帶幾多人去（面試）係完全無問題。」
2. 星探發現 影相畀錢
手法：聲稱有廣告很適合你，「拍心口」保證你比當紅一姐更紅，利誘你簽約，重點是要付數萬元拍造型照
Jeana回應：「o依家啲騙徒手法太低啦，哈哈！咁如果有簽約，白紙黑字就最好啦！呢樣野係有法律保障。」
3. 關心攻勢 畀錢上堂
手法：久未見面的朋友，突然對你非常關心，提議你到「乜哥乜哥」那裏上課，讓你在空餘時間持續進修，裝備自己
Jeana回應：「如果你係一個有責任心嘅人，你自己去improve自己（報課程）一定係啱，無論你學咩都係好嘅！」不過，Jeana坦言，上課進修這方面，真的很難界定是否騙人，她憑經驗「精叻」教路：「你唔一定跟佢畀你嘅人去學囉，如果佢介紹畀我嗰個人好貴喎，咁其實你要
諗下囉！」
4. 騙財不果 騙色亦可：得咗！
手法：不解釋。
Jeana回應：「係咪真係佢一聲令下就可以畀個女主角你做呢？我覺得，如果你真係
對拍戲有興趣呢，你去一啲電影公司去casting或者係簽約（做演員）又好，都好過你去咁做（出賣身體）。」
Jeana在電話訪問中分享：「喺娛樂圈，除咗要講『天時、地利、人和』，觀眾緣其實勝過一個藝人嘅所有嘢。就算真係乜都啱嘅時候，（電影角色） 真係成事喇， 乜都ok嘅時候，你就要問下自己，你條底線去到邊度囉！你問下自己，使唔使行到呢一步（出賣身體）呢？」
《冏訊》呼籲各位年輕人，小心駛得萬年船，切勿重覆又重覆犯錯，避免又墮入騙徒的陷阱！下集再見！
想知更多新奇趣聞，記得留意【動Fun】
http://hk.apple.nextmedia.com/livestream/channel/actionfun