唔少明星太似樣都會俾人話「撞樣」，財爺曾俊華個「二撇雞」形象雖然好有嗰人特色，但都避唔過同品客薯片嘅標誌「撞樣」。早排重有人將財爺個樣卡通化，key返上去個薯片罐度，竟然一啲違和感都冇，所以財爺唔單止叫「鬍鬚曾」，亦有「薯片叔叔」嘅外號，果然唔係浪得虛名。
噚日華華見到成日同財爺拍住做嘢嘅署理財政司司長陳家強，都有問過佢覺唔覺財爺同品客「撞樣」。陳家強話之前都有人同佢提起過，但佢自己就唔喺好記得個標誌係點樣。不過佢睇完財爺同品客標誌擺埋一齊嘅相後，都即刻話真係幾似樣，特別喺大家都有兩撇紳士鬍鬚。
提起財爺，陳家強話財爺嘅網誌越寫越好睇，自己都做咗粉絲，近期次次都追看。其實陳家強之前都有寫過blog，問到佢會唔會重操故業，佢就即時耍手擰頭。