【本報訊】有婚禮顧問指出，近年本港新人結婚消費模式起變化，由以往大排筵席，逐漸改為迷你婚宴，而且追求個人化，要有主題及亮點。
婚禮顧問歐惠芳表示，近年新人喜擺迷你婚宴，由以往動輒30多圍減至20圍以下，「𠵱家父母比以往開通，唔再堅持要大排筵席，甚至有啲新人夜晚擺幾圍，同至親食餐飯就算」。而且越來越多新人選擇舉行午宴或茶會，節省婚宴開支。
婚禮追求個人化亮點
另一迷你婚宴流行原因是年輕一代的新人寧願將結婚開支「用番自己身上」，歐說：「擺少幾圍酒，將錢用喺首飾或蜜月旅行度，自己享受番。」
從事多年婚禮顧問的她更發現，部份新人對婚禮的質素要求不高，只求「以快取勝」，「試過有新人喺臨結婚兩個月先嚟籌備婚禮，佢哋唔介意唔好日子擺酒，就算閒日都無所謂」。
不過，不少年輕一代卻要求有一個獨一無二的婚禮，她說：「佢哋要個人化，好似送賓客嘅小禮要刻上賓客名字，同埋刻上新人樣貌，又或者請畫家為每位賓客速寫畫一幅人像畫等，總之要有主題同亮點，令人唔會忘記呢個婚禮。」