【興趣極低】
滬港通開車，中環一間證券行昨早聚集大量記者採訪，有經紀形容墟冚情況是自大市07年升見三萬點以來首見。雖然滬股通昨爆額，惟看來是基金入市居多，不少散戶仍繼續觀望，散戶關先生更坦言「大陸啲嘢唔透明」，因此即使有人賺錢都不會沾手，大市轉跌時更落井下石︰「倒跌呀，仲唔係搵笨？係好嘢點會越買越跌？」
未懂得落盤買賣
散戶李太亦表示，身邊完全沒有朋友有意投資A股，自己亦「等有人賺錢先買」；其中散戶郭先生則指，香港股票已夠多，「唔需要玩呢個遊戲」。
不少經紀均表示客戶興趣極低，馮小姐指旗下客戶要買「都肯定唔係今日」，因為大家都仍未熟習操作及認識少。
昨日受訪的所有散戶都表示，不懂得如何落盤買賣A股，「唔好話我哋吖，你問啲經紀都唔識落啦」！而證券行內幾乎沒有見到有人在報價機查詢A股股價，有經紀連A股報價也不懂如何顯示出來，要圍起來討論。
信誠證券聯席董事張智威昨表示，該行昨日A股買盤主要買賣內銀及內險股，反應是預期之內。耀才證券（1428）則指昨逾3,000名客戶買賣A股，成交金額近1億元。
另外，本報昨日成功透過電話訪問84名18歲或以上散戶，僅得4名（4.8%）受訪者表示昨日已買入A股，其餘95.2%均未有沾手。