【記者梁御和報道】「革命有好多種形式，都係想改變社會。」對何永佳（Guy）與林國賢（Henry）這對同志戀人來說，爭普選要雨傘革命，結婚也要來一場光影革命。香港從不承認同性婚姻，會結婚的同志一直是少數中的少數。「我哋最想initiate（啟動）呢個革命。」坐言起行，他們兩年前閃婚，更將婚禮拍成電影，在中港台獨立電影節公映，最近獲藝發局資助印製成DVD，在各大連鎖唱片店有售，革命算是踏前了一大步。
「拍拖、同居只係戀愛上嘅進行式，結婚叫做開始另一個階段。」Guy及Henry三年前在酒吧「撻着」，有別於以往的「拍散拖」經驗，兩人半年後決定閃婚。由於香港不承認同性婚姻，於是改到加拿大註冊及舉行婚禮，但回港後那一紙婚書依舊等同廢紙。
邊緣族群更看重個人權利
現年53歲的阿Guy，在跨國企業任職IT培訓顧問，人生閱歷多，性格沉穩；Henry比他年輕16年，TVB出身，現時在同志團體從事平權工作，走得較「前」，「結咗婚就好似成立咗個家庭，感覺定好多……警察放催淚彈嗰日，我想去前線幫手舉遮頂住㗎，不過佢（Guy）腳傷去唔到，又怕我有事唔畀我去。」
縱使如此，當天Henry還是偷偷跑到金鐘，甫到地鐵站才得知現場急需毛巾眼罩，急急衝到灣仔搜購，豈知早被搶購一空。回到金鐘，正想走去政總，卻接到阿Guy電話，緊張地問：「你喺邊？」結果打消念頭回家當「鍵盤戰士」，兩人第二日與朋友買了200多卷黃絲帶，回到佔領區幫手派發。「連提名權、投票權都冇，仲有乜空間去講同志平權？」作為社會上被打壓的邊緣族群，比其他人更看重個人權利，身邊同志朋友大多跑到各佔領區支援。
回到結婚話題，Henry稱，結婚是伴侶雙方、也是家人和朋友的事。事實上，他們是圈子中較幸運的一群，父母親人早接受兩人的同志身份，「我媽媽對住阿Guy，嗒晒糖」。Guy則搶着說，「伯母成日講笑，話Henry畀咗個心我，我咪話『咁畀番你囉』。」
「行出第一步，不過只係開始」
結婚時拍片，原意只想與親友分享，但想深一層，索性找來導演朋友拍成獨立電影《異路同途》，將經歷公諸於世。「我哋原本可以匿埋結婚，繼續過自己嘅生活。」Henry說：「但係上天畀咗咁好嘅條件（家人）我哋，一定要做番啲嘢回報。」他坦言，很多同志根本不知道有結婚這個選擇，或受限於香港不承認同性婚姻而打消念頭。「我哋係想用自己去證明，其實可以行出呢一步，好似9.28香港人行出去夏慤道一樣。」
結果電影被送到北京、上海、台灣及香港的華語電影節參展，近日獲藝發局資助將電影印製成500隻DVD，放在各大連鎖唱片店發售。數對身邊的同志情侶看過電影，效法到外國結婚，更邀兩人到場，向他們「敬茶」。Guy笑指，「（出碟）好似結婚咁，算係行出咗第一步，不過只係叫做開始。」