【卧虎藏龍】
聞說灣仔修頓球場，及旺角麥花臣，俱是籃球高手卧虎藏龍之地，夠膽打街場的，技術「有番咁上下」。年過花甲又屬中環上班族的黃冠球，原來過去十幾年，每逢周日都去修頓打波，還講明喜歡「衝撞型打法」，幾年前更試過與訪港的美國艦隊黑人水兵，在場上肉搏，結果「拗柴入廠」。
自言十幾歲已打籃球的黃冠球，一直是上商行隊代表，以往每逢周末去蒲飛路，周日去修頓，近一年修頓整場，他才專攻蒲飛路。
曾跟葉問弟子學詠春
分析當年「拗柴」敗陣，他仍不忿氣說，「唔覺得佢（黑人）認真好波過我」，只不過隨着年紀漸長，上盤功夫可靠健身持盈保泰，但下盤功力始終受制於「年紀大腳力曳咗」。
年輕時，曾拜葉問關門弟子梁挺門下，學習詠春的黃冠球，現時仍有舉重健身，對自己身型Fit爆，似乎信心十足。
被記者問到，六旬阿叔打修頓，會否未落場已被波友投射異樣眼光？他立時中氣十足回應，「除咗件衫覺得我大隻就得㗎啦」！看來無論打籃球或練武，黃冠球都如炒房落盤般，衝擊進取，有氣勢講實際。