胡定欣前日高調宣佈跟闊少沈柏淳已分手，之前她為療情傷放假4、5個月，然而今年8月16日，本報卻撞破定欣和沈柏淳現身跑馬地，當晚約11時許，戴帽的定欣駕駛寶馬座駕，接載沈柏淳去銀行櫃員機撳錢，之後孖住返兩人共賦同居的渣甸山花園大廈愛巢。如果兩人已分手4、5個月，為甚麼3個月前仍然出雙入對？難道當時欲斷難斷努力箍煲？還是真相另有景轟？
昨日定欣到紅磡出席聖誕啟動禮，着背心裙的她面帶笑容接受訪問，但就避談究竟分手多久，她說：「感情係咁，分手係近幾個月嘅事。」問情緒是否仍波動？她說：「其實件事發生有一段時間，有唔開心，但過去咗。」
唔肯講分手原因
有傳二人本來計劃明年結婚，怎知婚訊變分訊，定欣說：「談婚論嫁一直都係新聞，我哋未有呢個打算，但佢曾經被我視為結婚對象，分手原因冇乜特別事，兩個人之間唔係一言一語可以交代。」定欣更主動為對方澄清負面新聞：「有報道話佢偷食同激嬲我，其實冇呢件事，佢對我非常之好，從來冇對我唔住，亦都好錫我。」對你好為何又分手？她說：「唔知點講好，𠵱家畀心機做嘢先。」有沒有轉彎餘地？她說：「呢啲睇緣份，仍然係好朋友。」活動後定欣到停車場與守候的fans傾偈，之後坐七人車到都會海逸酒店換衫，再返渣甸山花園大廈。
陳煒婚姻亮紅燈
除了定欣和男友分手外，41歲人妻陳煒傳跟台商老公顏志行的7年婚姻亮紅燈，陳煒被指與菲籍男舞蹈老師AL過從甚密，在微博以「My love AL」稱呼對方。日前本報發現陳煒單拖現身又一城，食完雲吞麵再去睇戲，全程不見老公或AL陪伴，形單隻影。
採訪：吳耀輝、楊浩賢、藍文浩、朱志聰、梁繼光
【三個粉絲去首爾】
追星實錄，即上韓劇讀: http://hk.apple.appledaily.com/kstar