今輯《亂噏24》嘅嘉賓認真架勢，可以話係逢波友都識佢嘅講波佬——Keyman馬啓仁！Keyman唔止講波叻，連反問技巧都頂呱呱，一上嚟即刻追問Tanya嘅「波齡」。
話晒係律師嘅Tanya點會畀Keyman蝦得到？估唔到Tanya竟然係上一代球迷，而且仲係曼迷︰「7號係笠臣，係隊長嘛，10號係韋西迪，Whiteside，我仲記得呢兩個名！」
咁好嘢？咁當初點解睇波呢？Tanya就話︰「因為有同學覺得踢波嘅好靚仔！」Keyman問︰「咁你之後就放低咗足球？」Tanya答得令人相當驚訝︰「係，因為唔再靚仔！」唔係化？咸爺都唔夠靚仔？Tanya要求咁高？
星期四晚11:00《亂噏24》足本版！！！咸爺究竟輸畀邊個？！