「憑我嘅經濟能力，住邊度都住得起！」唔知大家仲記唔記得呢句霸氣回應，出自邊個把口？冇錯嘞，就係講咗一句「請梁振英考慮請辭」而被中央炒魷嘅自由黨田北俊。噚日田少出席《城市論壇》，冇令粉絲失望，除咗繼續狠批隻狼，仲爆出霸氣金句。
田少話喎，佔領者有時真係要諗吓有啲人真係要搵食，為咗供樓、交租、畀仔女首期買樓，仲有人要為自己退休籌謀：「唔係個個人都係田北俊。」咁又係，如果個個都係田北俊，梁振英應該落咗台啦！田少仲話噚日第一次見到學民黃之鋒真人，好坦白話好少接觸之鋒呢類年紀嘅年輕人，有代溝並不為奇，因為佢啲仔女都四十幾歲，孫仔孫女卻只係幾歲。