在港視開台劇《選戰》一片中，李心潔飾演一個特首候選人葉晴，與廖啟智有連場的對手戲，為甚麼當初會接拍？心潔哈哈大笑道：「我個經理人見導演嗰陣都有問㗎，導演話喺我眼神裏面見到好堅定，仲可以喺我身上搵到一樣特質，就係我哋決定咗去做一件事，就會抱住永不放棄嘅精神，去完成呢件事，無論個過程發生幾多挫折，都冇人可以說服我去放棄。」
自認感情用事
最後，心潔當然答允演出該劇，她更說：「我覺得電視同電影嘅觀眾好唔同，原來電視觀眾個層面範圍可以去好大，可以覆蓋好多地方，加上佢哋唔係睇完一集就算，係可以不停睇，嗰個影響力係可以好持續，今次好過癮，係從未試過，好多嘢好有挑戰性。我最鍾意同智叔（廖啟智）辯論嗰場戲，一口氣讀晒幾頁紙嘅對白，完咗件事覺得好開心，好放鬆，現實生活我唔會做政治家，反而想做藝術家，因為我太感性，太感情用事，做政治家要好理智，尤其是面對危機嗰時要好冷靜，我諗我未去到呢個位。」
【三個粉絲去首爾】
追星實錄，即上韓劇讀： http://hk.apple.appledaily.com/kstar