【內有乾坤】
長實（001）大埔嵐山1期昨日開賣90伙，其中38伙現樓發售，並開放現樓予準買家參觀，記者以客人身份走進屋苑，位於3座與5座之間的屋苑內山墳被圍欄阻隔，無法走近，代理又以大部份單位沽清為理由，沒開放最近該山墳的3座及5座。唯有參觀7座及9座，其中從7座18樓E室向內園方向，望住樓書標示有山墳位置，完全被叢林遮擋。
記者昨日扮客參觀嵐山現樓，走進屋苑，發展商日前講明開放現樓3、6、7、9座，惟代理以大部份單位沽清為理由，未有帶睇最近屋苑山墳的3座及5座，僅帶隊參觀7座及9座。其中7座18樓E室，實用795方呎，客廳向西南，往外望是內園景，亦是樓書標示屋苑內山墳的位置，肉眼見到是個小山丘，內設行人徑，惟山墳被草叢重重包圍，冇留意樓書根本不知道內有乾坤，距離最近的座數不足8米（約26呎）。正當舉起手機拍攝之際，在場職員似乎早有指示，「不如睇吓其他地方呀！」，記者遂快拍留底。
昨日僅沽約9伙
帶睇樓的代理發揮吹水本色：「呢個樓盤之前話唔畀睇現樓，指李嘉誠（長實主席）啲樓冇咁靚。好啦！𠵱家專登開放現樓畀你哋睇。」急急腳帶睇另一個單位。走到隔籬F室，從主人房外望，是位於屋苑外圍，直徑約3米的麥氏祖墳，現場清楚可見。代理見狀，像錄音機般說：「風水寶地……拉埋窗簾就睇唔到……」
消息稱，項目昨日僅沽約9伙，佔推售單位近一成。據了解，5座及8座工程未完成，未能開放現樓參觀，昨日上載銷安停售該兩座共22伙。項目1期及2期累售約980伙，尚餘300多伙未賣。