今期日馬賽事跑星期六，大家仲記唔記得上一次星期六賽事發生乜事呢？唔記得唔緊要，現在同大家重溫一下。
上次星期六賽事已係9月27日，當日賽果相當恐怖，超過20倍冷W分別有「添歡笑」、「開心得意」、「駕喜」同「喜勁駒」，上述四件冷品共通點，都係華將座騎，即係話今期如果預計又爆到杰撻撻，就要吼華將馬。
介紹兩件冷品給大家參考，就係第五場「天長地久」，其實上次已經爆62倍大冷W，幫華將湯智傑開糊，爆完嘅馬多數冇人信，睇番今場一樣冇乜馬放，傑仔只要好似上次咁，採用你唔放我放嘅策略，再爆一次又有何奇？
另一匹冷品係第六場「智勇福駿」，上季已經爆過三鑊，有神馬之稱，既然叫得佢神馬，神神哋可能又再爆。