東莞曾經係港人尋歡「性地」，淨係睇向西村上春樹嘅《一路向西》幾受歡迎就知，不過喺早排嚴打之下，東莞已經少咗港人去。冇得一路向西，反而有一路向真普選，網上流傳東莞出現簡體字版「我要真普選」條幅，原來係經常往返內地工作嘅阿Day，日前單人匹馬到東莞掛嘅，而且一掛就三張。
唔想講真名嘅阿Day話，幾日前喺東莞鬧市啲燈柱度貼「我要真普選」條幅，過程要好小心，因為冇人睇水，每次貼前都要觀察好耐，平均貼一張要用一個鐘，貼完後會睇清楚冇人發現同拆除先走，佢話對有內地民眾駐足觀看感欣慰，又唔排除會繼續喺內地其他地方掛，做到遍地開花。