如果覺得格鬥遊戲來來去去都係阿龍阿Ken，可以玩下近日到貨呢隻《電擊文庫 FIGHTING CLIMAX》 ，以日本輕小說主角，橫向格鬥大亂鬥，畫面少少似Guilty Gear，招式華麗夠爽，幾有新意。
隻game前幾日落到信和，年輕人反應算不錯，個個都「我要電擊文庫」，風頭可謂蓋過幾隻新Game。大亂鬥遊戲，其實一直都有批捧場客，加上電擊文庫出品，一班追開輕小說的粉絲，自然會買，至少睇過《刀劍神域》和《灼眼的夏娜》小說或動畫的年輕人，都一定支持啦。Vita版賣$369，PS3就賣$388 ，入場價低開，算幾抵玩。
記者：童傑
