現年50歲的黃貫中（Paul）最近傳再做老竇，42歲的朱茵成功懷有第二胎。Paul昨日在九展為「香港國際攝影展2014」擔任宣傳大使，展出近十年來親自操刀的相片，當中包括老婆朱茵和愛犬藏獒。黃貫中直言未得老婆答應展出，他笑說：「平時影生活相居多，呢張相我冇當佢係老婆，因為真係太鍾意，即使佢有少少介意都冇辦法。」他透露家中珍藏逾萬張囡囡的相片，但卻未有公開，他說：「影小朋友有秘訣，見到先影太遲，一定要一早捕定。」
避談家強
朱茵早前被影到肚凸凸，Paul一口咬定老婆沒有懷孕，他說：「唔係！冇，我唔會呃你，信我。」他表示暫時沒有計劃再生BB，能有囡囡黃鶯已好開心，他說：「暫時冇，做嘢緊要啲，有一個已經好開心、已執到，好似中咗六合彩。」對有傳內地封殺佔中藝人，Paul屬「嚴控類」，他淡淡然說：「吓？係咩，好呀。」他表示工作未受影響，他說：「總之我有去上海，有返嚟，so far都好好。有時大家唔好睇到啲嘢咁壞，其實唔係咁壞。」對容祖兒刪黃絲帶相，Paul反而理直氣壯說：「現在刪就太遲啦，我覺得大家先唔好驚得咁緊要，個心同做人唔係有愧驚乜嘢呀！」有傳余詠珊下封殺令，Paul笑一笑說：「吓，唔會掛，無綫唔會咁嘅。」再追問與黃家強的是非，Paul似收晒火避談，一臉嚴肅說：「你明知我唔答啦！」身邊人亦立即終止訪問。
採訪：溫敏芝
攝影：陳慧安
【三個粉絲去首爾】
追星實錄，即上韓劇讀: http://hk.apple.appledaily.com/kstar