繼手機遊戲《Yellow Umbrella》之後，原來仲有漏網之魚《香港保衛戰》，同樣以佔中為題，隻Game分為反佔中藍絲版和真普選黃絲版，據App嘅開發者之言，話要順便透過Google做民調，睇藍絲多人玩，定黃絲多人玩，分別會用甚麼手機型號咁話，結果稍後會於香港各大討論區發表，認真有創意。
《香港保衛戰》是一隻橫向射擊Game，根據藍絲版的遊戲背景，話有隻外星人「皇之蜂」，率領一眾外星生物佔領香港，仲話「在這亂局下, 香港需要你！！」，所以遊戲入面順利成章，亦有BOSS 「皇之蜂」，佢嘅攻擊，我藍絲戰機玩過，真係幾難閃避，不過只要食到「藍絲帶」，就會變身增強火力， 出超必召喚高達GP03全武裝，「皇之蜂」就要退場。
雖然隻Game「曲到圓」，但論遊戲性，隻Game就差過《Yellow Umbrella》啦，不過悶局之下，玩住先啦。
記者：童傑
