好似學聯副秘書長岑敖暉Lester呢啲咁出名嘅人，無論喺邊度都俾人認到，好似佢噚日匿埋喺深水埗食豬膶麵，一樣會俾八方發現。八方噚日晏晝蕩到深水埗尋覓小店，蕩蕩吓就入咗出名食豬膶嘅麵舖維記，同行友人坐低冇耐就輕聲尖叫咗一下，原來捕獲野生Lester。當時Lester同一位貌似學聯前副秘書長何潔泓（Willis）嘅少女一齊食麵，可惜麵舖環境淺窄，八方未能確認呢位少女係咪Willis。Anyway，似乎人來人往嘅麵舖內，冇乜人認得出Lester，不過Lester仍然保持警覺，食完麵除咗望電話之外就係四圍望，都啱嘅，話晒𠵱家都係敏感時刻。