禮拜六沙田八草兩泥賽事，草地用全闊A跑道作賽，睇番最近10月5日同一移欄賽事，當日雖然有「明威」及「綻放美麗」一放到底贏馬，不過整體上後追馬亦唔蝕底，好似「超有利」、「連冠勇將」、「齊大勝」、「天笑」及「美麗大師」都係早段居中後叠，直路憑後勁反先對手勝出，所以唔好過份側重內叠前置馬。
今戰列陣馬中，第四場「連冠勇將」上仗正是於10月5日田A欄後上贏馬開齋，勝後等番同一移欄再跑可添食。另外，第五場「常妙星」兩次跑田A欄贏晒，反而在其他移欄上陣21次都未嘗一勝，後上馬跑番全闊A跑道又有糊叫。
禮拜六跑泥地今季9月27日都試過，結果兩匹泥地頭馬「勁綵」及「輕彈錢笑」都係守前四位入直路建功，所以頭場「永得米」及七場「頌友」呢類擅跑泥地嘅前置馬可優先留意。