經民聯昨與特首梁振英見面反映施政報告建議，其中一項建議是與發展商合作，興建小型及廉價住宅單位，供年輕人或中產可租可買，有政府中人指建議「熟口熟面」，細心一想，不就是煲呔當年建議的置安心計劃？何以被梁振英「謀殺」後，又被經民聯「循環再造」？有商界人士感嘆經歷狼治兩年，不少人開始懷念煲呔「其實唔係咁差」。
「起碼未俾大陸大孖沙長驅直入」
該商界中人說，煲呔其中一項「死罪」是官商勾結、樓價高企，這也是當年梁借此爭取民意的「武器」，但狼治兩年，樓價未有下跌、租金更是升完再升，梁唯一較煲呔「成功」的，就是用雙辣招阻人買樓，以及成功令香港「立立亂」，「結果有錢都冇人敢買樓、換樓住，反而諗係咪賣樓移民」；至於梁所謂反官商勾結，現在看來梁只是打倒本地商家，引入紅色資本家，「起碼曾蔭權未有開道門俾大陸大孖沙長驅直入香港」。
至於政治赤化、打壓民主，煲呔遠不及梁。有泛民及社運中人也對季陶說，煲呔雖然「仆街」，但始終是公務員出身，有些事他絕不會做，有泛民中人更說，「煲呔一定唔會勾結黑社會打示威者、佢一向好怕同啲有背景嘅人有來往」。
當然令煲呔「臨尾香」最大污點，肯定是他接受富豪款待，但有商界中人笑言，當大家看到外界批評梁袋400萬英鎊，不單沒有為引起公眾疑慮道歉，甚至連親自解釋、交代也欠奉，「煲呔起碼有道歉、又俾廉署查佢、搵李國能檢討利益申報制度；梁一句話我問過專業人士無問題，就理直氣壯當冇事」，難免令他懷念煲呔，「煲呔真係好過隻狼好多」。
季陶