Kay近日則被強國網友貼出當日到金鐘撐學生相片而鬧爆，向太陳嵐都轉貼圖片兼留言：「人民幣只給愛國的中國人賺，喝着娘的奶，卻還在罵娘，抵制所有佔中藝人別進入內地市場賺錢！」前晚Kay在尖沙嘴出席叱咤頒獎禮活動時回應：「自己要負責任去睇清楚件事，我好溫和嘅，唔會去煽動人哋去做破壞性嘅行為。」Kay不擔心被封殺：「我喺音樂上言行上都好謹慎，我嘅核心價值係有愛、尊重別人，嗰啲報道煽動涉及商業原因，我工作受阻，就會騰咗空間畀其他人，我個人受唔受傷害好小事，人哋憎唔憎我都係好小事。」同場森美談到封殺損失時說：「好細，相比落雨露宿嘅人，我係好小事。」
小環立場堅定
力撐佔中的譚小環堅持不會刪黃絲帶相，其小店也綁了黃絲帶，她昨在電話中說：「店中黃絲帶綁得好鞏固。」對於有藝人避嫌刪圖，小環昨日說：「如果唔想俾人知就唔好貼，貼喺自己心中。」葉蘊儀昨也說：「最初佔中係支持學生，𠵱家好多嘢包埋一齊，大家要理性看待。」黃美棋昨表示貼了圖就不會刪，又不擔心被內地封殺，她自嘲：「我地位咁低，排隊都未輪到我。」
採訪：楊定、王連連
攝影：陳志嵐
【三個粉絲去首爾】
追星實錄，即上韓劇讀： http://hk.apple.appledaily.com/kstar