自喻「白宮發言人」嘅新聞統籌專員馮煒光，近來轉行國際化路線，除咗上月一支公去睇荷李活電影《失蹤罪》，近日更去信《紐約時報》回應學民思潮黃之鋒。
之鋒早前喺《紐時》撰文，話北京畀香港人嘅「一人一票」，只係經政府篩選嘅候選人先至可以成為候選人，根本唔係普選。但馮煒光喺《紐時》寫短文回應，打官腔話唔存在係咪政府准許與否嘅問題，因為只要冇外國居留權嘅香港人、年過40或以上、持續在港居住超過廿年，就可以參選。八方睇完，除咗「多謝晒」四個字，都唔知講乜好。呢篇文查實冇乜人留意，但梁粉陣營「港人講地」慧眼識奇文，喺fb幫佢宣傳。