老董嘅智庫大打年輕人牌，特首黑馬梁錦松亦拋出唔少構思向年輕人拉票，喺呢個大環境下，狼英點會執輸？經民聯噚日就施政報告同預算案向狼振英提交意見書，有成員會後透露，席間八成時間用嚟傾青年問題，更因為對該黨針對青年嘅「後佔中」建議有興趣，原本45分鐘嘅會議最終加時近半粒鐘。
經民聯當然投大勢所好，建議政府同發展商合作，興建多啲小型同廉價住宅單位，畀年輕人租或置業，並將2%綠化地帶土地興建青年、中產人士住屋項目。據聞佢哋仲建議狼英參考當年學運激烈嘅南韓，放多啲資源協助年輕人向上流動同參政，但狼英對該黨叫政府牽頭搞大笪地嘅建議更感興趣。