以推動本地公民運動為宗旨嘅獨立媒體（香港），喺雨傘運動遍地開花，激發市民對真普選渴求之際，舉行首屆「網絡媒體公民大獎」，一如所料被大量同雨傘運動有關嘅參賽作品「佔領」，事關呢場運動，催生咗大批公民記者報道現場實況，向市民提供更多公民運動嘅多角度睇法同實況。
獨媒特別喺呢個星期六舉辦「網絡公民大獎」頒獎禮，會向五位得獎者頒獎，現場自然唔少得佢哋分享影相、拍片等記錄經驗。頒獎禮後仲有一節專題講座，請嚟港台兩地獨立記者陳曉蕾、麥覺之同朱淑娟，探討新媒體發展嘅更多可能。查詢詳情可到此網頁： http://inmediahk.org/。