【大坑】現年53歲嘅錢小豪經歷咗兩段婚姻，除咗同首任妻子郭秀雲所生嘅兒子錢景峰（前名：錢麒夫），同現任太太丘倩鳴都育有一個囝囝，小豪對細仔寵愛有加，經常都將12歲嘅細仔掛喺嘴邊，又大讚佢有表演天份，7歲時已開始跳Hip Hop，小豪仲講明唔介意細仔入行做童星。
老婆攬實兒子行
小豪最近要開工拍劇，但向來重視家庭樂嘅佢，有空閒時間就會陪伴太太同囝囝，日前佢唔使開工，即刻同太太及細仔去大坑食晚飯，享受家庭樂。嗰晚大約8點左右，小豪同太太及囝囝喺大坑一間越南餐廳食晚飯，有大忙人爸爸陪食晚飯，小豪個囝囝明顯心情很好，全程邊食邊講，似有講唔完嘅話題，而太太丘倩鳴每次聽完囝囝講完一段說話，都會笑笑口回應，但坐喺兒子身邊嘅小豪卻唔停咁「篤」手機，只久不久會笑一笑回應個仔，一家三口食咗一小時左右就埋單，小豪細心咁為兩母子推門，而丘倩鳴就用手攬住兒子並肩而行。
採訪、攝影：徐錦池
【三個粉絲去首爾】
追星實錄，即上韓劇讀： http://hk.apple.appledaily.com/kstar