久休復出的向海嵐（Anne）昨日在數碼港接受劉美娟的電台節目訪問，因為惡搞經典歌《相逢何必曾相識》而熱爆網絡的蔣志光，雖然入行多年生活低調，稱得上是顧家的男人，不過圈中曾經有傳他與向海嵐因拍劇而撻着，女方更為他秘密生仔，向海嵐被問到此事，她哈哈大笑地說：「我有個女，係狗女。」Anne看了報道覺得很搞笑：「其實係當年《花樣中年》個劇情，劇中我係明星，真係為蔣志光生咗個仔，嗰陣成班演員好似一個大家庭，但係我真係冇佢嘅電話，所以就算有呢單咁搞笑嘅新聞，都冇搵過佢，不過嗰陣合作，佢好專業做戲好叻，教咗我好多演戲嘅嘢，之後做戲都有諗番佢教過嘅嘢。」她還笑說：「我唔會嬲，呢排佢咁紅，加上又有唱歌天份，真係唔應該埋沒，有緋聞都好呀，等我可以同佢一齊接多啲登台。」
挑戰普通話舞台劇
此外，向海嵐近日亦忙於宣傳慧妍雅集的禁毒講座及她月底在上海演出的舞台劇。首次參演舞台劇的Anne坦言全劇用普通話是最大挑戰：「好彩我去上海幾年，自己睇書同睇報紙都慣咗用普通話讀出嚟，應該都OK。」
採訪、攝影：盧妹
【三個粉絲去首爾】
追星實錄，即上韓劇讀： http://hk.apple.appledaily.com/kstar