綠色媽媽林麗珊，我老友，一向鬼主意多，做過有機豆腐、搞過共同購買，今年又出日曆。2012年就開始出日曆了，今年拍住長春社、設計師劉紹增及自由創作人吳覺怡共同製作，以本土綠色生活為主題。設計很Raw，十足婆仔手撕日曆，又附精美手工剪紙插圖，鄉土味濃。最正係，內容結合綠色生活智慧及實用本地資訊。好似四月份，日曆標明宜觀螢，仲介紹埋去邊度睇。又支持本地漁農業，介紹鯪魚、鯇魚、烏頭等家魚，細路仔當課外書睇亦得。日曆內有QR Code，手機一嘟連結網上地圖或資訊，帶你展開綠色尋寶之旅，有用又好玩。最離譜係，日曆再造紙及大豆油墨印刷，完全環保到底，冇嘢講了。
售價：$120
查詢電話：2728 6781(長春社)
譚偉健
飲食記者，天生為食，愛講爛gag。愛吃唔愛做，但唔做冇錢吃，惟有邊做邊吃。