無官一身輕，無咗全國政協委員呢個緊箍咒嘅自由黨田少，更加逍遙快活。好似啱啱過咗嘅星期日咁吖，佢就同愛犬Lulu悠閒散步，一身便服嘅田少睇嚟好寫意，之後仲喺fb留言：「Lulu and me on a relaxing Sunday! feeling awesome.」查實堅拒與狼共舞，更加係疾風知勁草。
政圈盛傳新民黨有意趁田少被中央搣走政協柴，趁勢拉攏自由黨會員變節投向號稱中央「親生女」陣營，但田少未驚過，日前反「相勸」葉太「小心偷雞唔到蝕渣米！」點解咁有霸氣？據聞田少寧幫選民唔幫狼英發聲嘅形象獲市民勁like，查詢入黨數目大增，自然對個黨打咗支強心針；既然有實力，自然唔怕同盲目撐中央嘅新民黨正面交鋒啦。