混血名模Mandy Lieu與已婚太陽娛樂老闆周焯華（洗米華）嘅關係雖然像霧又像花，但Mandy Lieu有層億元半山豪宅揸手就堅過石堅嘞。
今年8月，Mandy Lieu被爆與洗米華有親密關係，冇耐土地註冊處資料顯示，有位與Mandy Lieu同名同姓嘅女子以9,133萬元，買入太古地產（1972）旗下西半山豪宅珒然一個極高層單位，孖屐為之譁然，大家都關心Mandy Lieu畀完5%定金之後，能否喺3個月後找埋尾數。
根據最新土地註冊處資料，呢宗交易已經喺10月22號完成，換言之，Mandy Lieu順利榮升億元豪宅業主，擢升富婆嘞。
珒然堅係豪宅，一層一伙，實用面積2,182呎，有Mini版OPUS之稱，唔知呢位Mandy入伙時會否邀請周生參觀呢？