【壹週刊】師奶姚利娥把一塊兩萬呎的農地劏成90塊「格仔田」出售，經紀指當買家簽臨約後，便會找律師做農田分契手續，買家將永久成為該一細塊「格仔田」的「業主」。做業主認真開心，但同買樓一樣，原來背後一樣有好多野要注意：
一.實用率低：原來每塊農地實用面積得六成幾，其餘3000幾呎公共面積包括通道、燒烤場、同廁所等等。即買入246呎，實質得160多呎，實用率仲少過宜家既私樓。
二.交管理費：由於要找人睇住燒烤場、廁所等公用面積，大業主找來管理公司打理，買家每月要繳付每呎$0.85的管理費。246呎每月要交$209蚊，一年就要交成2千幾蚊，真係小數怕長計。
三.維修誰負責？管理費只係用作日常營運開支及日常維修，如果公用面積日久失修，到時要搵人出錢維修，做左小業主就變得責無旁貸喇。
梁永鏗律師提醒買家，買這類「劏田」前，必需要睇清楚公契，以知悉責任誰屬；他指如仍未有公契，買家於臨時買賣合約，最好入多一項條款：「就是交易視乎公契條款而定，如日後的公契內容「太辣」，最好取消交易﹗」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁
http://nextplus.nextmedia.com/