9.28佔中運動開始後，整個金鐘區佈滿帳幕，蔚為奇觀。咁啱得咁蹺，位於金鐘遠東金融中心，同日新開張一間體育用品舖，竟然有帳幕賣，咁生意係咪好發？配合晒突發需求？
據該店店員介紹，唔見因為佔「鐘」令帳幕生意大增，實質係冇乜影響。事關佢哋係賣高質露營帳幕，售價達3,000至4,000蚊，可以防風、防水，而且特別輕身，質料用鋁合金。而佔「鐘」人士所用嘅帳幕就冇咁專業，大多是只係幾百蚊貨仔，唔可以防水，落雨天帳幕會有漏水情況。
不過人多總有生意做，有時落完雨地下濕，要用地毯隔開地下，所以多咗人同佢哋買地毯，售價約300至400蚊，數量少於10張。