當初明明係政府話搞通識科，點知通識科將學生教得好地地、明白到民主嘅重要性後，建制派即刻唔like，唔少人爭住話要改。其中經民聯梁美芬一直要求取消通識科考試，佢仲諗到條絕世好橋，挑機吳得掂同考評局秘書長唐創時，等佢哋覺得通識科唔取消考試唔得喎。
乜橋可以玩殘吳得掂咁犀利？原來佢有份搞嘅「關注通識教育聯席會議」，整緊份通識科試卷，會參照學生嘅試題，一旦起貨，會畀晒吳得掂同唐創時等負責教育嘅要員，要求佢哋作答，然後交畀專業人士改卷，睇吓班官考成點。鼠王芬好有信心會考起吳得掂，查實以吳得掂平時嘅表現，預咗肥佬啦！