內地因雨傘革命近日先後爆出打壓兼封殺發聲藝人的消息，上周網上更流出一份指是文化部最新的查禁名單，除鄧紫棋（G.E.M.）被歸入第二類「嚴控類」後，森美（梁志健）竟也榜上有名。
「港星難獲批」
森美前晚與謝安琪、趙頌茹等在九展出席「FACE UStar大專校花草大選」，校花最後由港大的楊慧敏（Mina）奪得，校草則是理大的吳啟洋（Phoebus）。森美被問到封殺名單榜上有名，他說：「我覺得個名單唔似係真，好多企喺好前線嘅藝人，都冇佢個名，我都係好溫和，所以唔關事。」不過他坦言最近有一個在廣州的工作被取消：「係廣州電視台嘅選美司儀工作，本來已經傾好晒價錢，點知喺呢個名單出嚟之前，其中一個搞手通知我出唔到批文。」
問以前有否試過？森美說：「以前都未試過，其實呢個節目都做過幾年，麥玲玲師傅本來都有份做，但都攞唔到批文。據我所知呢啲娛樂活動都要報文化局，等佢批核，批唔批原因係冇得問，我都冇問。」
再問森美有否為此事而擔心？他說：「咁又冇，只係覺得有啲奇怪，我嘅言論一向都好溫和，只係少少意外，反而我打聽到，呢段時間香港藝人未必攞到批文。」笑問會否學G.E.M.在台上講愛國愛港？他笑說：「如果我真係可以上太空做棟篤笑，等大家知道中國有好棟篤笑，但係我冇呢個機會，亦都冇能力上太空，所以都係做好自己，其實做藝人好多會遇到呢啲類似嘅問題。」
趙頌茹臉瘀黑
趙頌茹被發現右邊面顴骨底有點瘀黑，她說：「絕對唔係瘀傷，只係生咗女之後多咗荷爾蒙斑，所以做咗啲美容去斑療程。」
另外，昨日內地的社交網絡包括微博、百度論壇及天涯論壇等，瘋傳謝安琪早前到金鐘派發物資的照片，力指她曾參與佔中運動，有超過百萬的轉發，要求內地觀眾一齊杯葛她的電影、節目和歌曲。
採訪、攝影：馬建華
【三個粉絲去首爾】
追星實錄，即上韓劇讀： http://hk.apple.appledaily.com/kstar