美國前財長蓋特納早前寫咗本書叫《壓力測試》，入面回顧咗唔少當年金融海嘯時，全球領袖救市的古仔。不過，最近《金融時報》就得到一份蓋特納出書前同助理嘅訪問稿，發現蓋特納出書時原來已留咗一手，冇將所有內情全數披露。
蓋特納爆料話，歐央行各理事原來毫無溝通。連當年歐央行行長德拉吉講嘅「不惜一切」（whatever it takes）救市金句，都被蓋特納踢爆只係佢自己臨場爆肚，事前無同央行其他理事商量過，亦冇在講稿中顯示；但係句說話最終成為市場嘅定海神針。
除咗咁，洩密文件仲踢爆蓋特納同助手提及當年歐洲各國領袖係一盤散沙，處理歐債危機時根本毫無章法，無諗過實際點救市，只係一味想懲罰希臘，浪費咗唔少時間，而且開會時仲粗口橫飛。