【亞視風雲之拖得就拖】亞視今年的賣盤傳聞不絕於耳，可惜未見成事，早前拖欠員工9月份糧近1個月，最終要股東黃炳均和王征「出手」貸款暫解燃眉之急。但原來事情還未完全解決，昨日有人爆料指有外判員工至今仍未收到9月份糧，據悉亞視除將部份製作外判外，連亞姐保母亦要請非正式員工幫手，僅數月短期合約。
亞姐恐變孤兒仔
不過亞視一直實行「拖得就拖」政策，據悉昨日已有亞姐保母返大埔總台與亞視高層理論，可惜無功而還，部份人轉去勞工處求助，表明不還錢便「罷工」。早前有傳亞視為整靚盤數博賣盤，寧願「硬掘」100萬元製作費，都要將亞姐於本月內完成，並定於22日假大埔總台舉行。早前已有約10位亞姐來港作準備，今日亦有來自韓國等地的亞姐陸續抵港，擔心到時一班亞姐會變成「孤兒仔」無人照顧。
「有信心盡快解決」
高層葉家寶昨日與應屆亞姐冠亞季軍到跑馬地出席活動，有3個公關及1名外判保母跟場，葉家寶表示剛收到消息，正向財務部了解，有信心可以盡快解決。有傳罷工？他說：「我諗唔會，可能因為改咗幾次時間（活動及選舉），支票可能延誤，有4、5人約欠6位數，但小數目，應該可以馬上解決。」
同場的前亞姐張家瑩聞外判保母欠薪感愕然說：「知有啲保母外判，幫忙照顧亞姐，公司女同事唔夠多，但未聽有人收唔到9月糧。」有傳會罷工？她說：「唔好啦，我相信唔會，亞姐一年一度大騷，亦係公司品牌，相信公司一聽到就會畀錢，唔係輕易得失佢哋。」而亞視的免費電視台牌照至明年11月屆滿，通訊局表明如有需要會就亞視的財務狀況向行會提交補充資料。
採訪：嵐山、黃曉妍
攝影：仇志德
【三個粉絲去首爾】
追星實錄，即上韓劇讀： http://hk.apple.appledaily.com/kstar