【搶先食】繽紛Little Vegas 啱晒大胃王【搶先食】繽紛Little Vegas 啱晒大胃王
拉斯維加斯除了賭，還有無數餐廳。環球賭客集結，東、西方食物應有盡有，仲抵食夾大件！留學美國讀酒店管理的Tim，就看中這點，將賭城的美食帶回香港，在銅鑼灣開了一家以拉斯維加斯做主題的餐廳。
餐廳剛正式開業，主打抵食fusion菜，份量足，由all day breakfast，到美式小食，到pizza，甚至泰式冬蔭公意粉都有，選擇多，價錢大眾化。最有趣是鬼仔性格的Tim將每星期日及星期一定為「休閒日」，鼓勵大家放鬆心情，減慢步伐。這兩天，侍應可以穿便服，手腳比平日慢一點，廚房出菜也慢一點，人客大可慢慢嘆，更重要是免~收~加~一，實行皆大歡喜。
餐牌背後特空置位給人客留言，紅筆字為老闆阿Tim的回覆，主客直接互動，很有趣。
賭城的世界，日夜癲倒，all day breakfast是當地最便捷的食物。Little Vegas的早餐，全日供應，而且份量極大，牛扒炒蛋豬牛肉腸焗豆番茄薯餅，樣樣有齊，麵包圈更是即叫即焗，熱辣辣，非常吸引。（$138）
班尼迪蛋是經典中的經典，份量足，而且餐廳講明，如切開發現蛋不流心，保證免費更換，足見做得用心。（$108）
用特配的冬蔭醬煮成的意粉，味道調得好，條條意粉有咬口，是東西風味的美妙結合。（$98）
小食拼盤有齊6款食物，全部都是配啤酒汽水的佳品，最愛薯角外脆內軟，烤波特蘑菇上的芝士濃郁野味，魷魚圈亦彈牙脆口，大大一盤，才賣$88，抵！
黑松露pizza一上枱已經傳來菌香，pizza上放了火箭菜，淡淡苦澀中和芝士的香膩。餅底帶麵粉香，不油膩，好吃。（$118）
牆上的塗鴉畫，充滿美國風情，另有一列大窗，可遠眺跑馬地馬場風景。
Little Vegas
地址：銅鑼灣耀華街3號百樂中心25樓
記者：胡慧敏