堅實女梁粉屈穎妍（圖）決定辭任浸大新聞系兼任講師，臨走前喺《明報》地盤大呻：「請辭，是因為不想教，更因為不懂教。」點唔識教法？佢話有財團停捐獎學金畀大學，有學者竟然自發設立「正直的人」獎學金，令佢好心寒、好迷惘。佢亦唔滿意有學者贊成傳媒杯葛採訪藍絲帶活動，而大學生更喺畢業禮上以「打傘、柴台、叫喊、送臀、打叉」等舉動爭取普選，「滿腦子學問，卻連尊重都不懂，這就是今日的教育結果？」佢話辭職源於「我痛心，因為這是我陌生的大學、陌生的新聞界」。
有浸大同學仔則報料話，唔少同學不滿佢成日發表不知所謂嘅親政府言論，計劃聯署去信校方要求炒佢魷魚，唔通因此令佢自動執包袱走人？