出名識飲識食嘅旅發局主席林建岳旗下有唔少餐廳食肆，早排公佈嘅《米芝蓮指南香港澳門2015》，岳少旗下嘅餐廳，總共摘咗7粒星。
其中位於中環嘅CIAK-In The Kitchen，由意大利米芝蓮三星名廚Bombana Umberto同佢嘅團隊主理，開業唔夠一年就被評為一星級餐廳。
噚日餐廳舉行慶祝活動，作為老闆嘅岳少都有現身，佢話自己好鍾意食意大利菜，仲話意粉、pizza其實幾啱中國人口味，平時都會同政商界朋友嚟呢度開餐。
八方問岳少有乜嘢心水推介，佢就話唔同人有唔同嘅口味，佢就比較鍾意牛扒同pizza，仲話希望餐廳出年可以再攞多幾粒星喎。