有人辭官再趕科場，有人放下工作追尋夢想。民政事務局前常任秘書長楊立門噚日出席協青社活動時，同年輕人分享經歷，話當年放棄新秀歌唱比賽，唔同梅姐鬥歌，走去考AO，半生貢獻晒畀政府。
楊立門話，「覺得做完一份工，再做都未必係咁好」，難得𠵱家仲有人有興趣買飛聽佢唱歌，不如打鐵趁熱，用音樂回饋社會。
呢位「AO歌王」明年3月會舉行首場義唱，幫助白內障患者。同場嘅紀文鳳係協青社執委，就打蛇隨棍上，叫楊立門幫協青社義唱籌款。
八方問紀文鳳，會唔會叫佢個friend董建華嘅團結香港基金會捐錢？佢話會，仲話梁太唐青儀都係協青社贊助人喎。