公認係至索星二代，龔慈恩女兒Ashley——林愷鈴，完全遺傳晒靚靚媽咪嘅優良基因，14歲女出落得相當標致可人，日前仲同美心妹妹楊鎧凝、譚玉瑛姐姐一齊行 catwalk，處女登場，好pure好可愛!
家陣Ashley忙於為中四揀科頭痛緊，學業為重嘅佢，如果要入娛圈當然仲有好長一段路，不過佢嘅氣質就真係唔係娛圈中一班「V煞女」可以 相比，Ashley大小提琴，鋼琴等樂器都難佢唔到，古語有云「腹有詩書氣自華」，平日浸淫得多，氣質自然出嚟啦！ Ashley除咗除咗喜愛音樂，連朗誦都好叻，佢五年級時參加過第62屆香港學校朗誦節，當時仲攞獎o架!雖然難免要有「特別的朗誦技巧」，不過佢就冇 「梁逸峰同學」咁表情勁誇張，都算恰到好處!受訪時亦答得頭頭是道。
當時小五嘅Ashley仲未箍牙，但一臉稚氣加上爆牙其實依然可愛到爆，通常網民對朗誦片段都幾反感俾負評，不過呢條片都有網民睇完Ashley表演後，大 叫「愷鈴BB」，就知佢幾有觀眾緣啦！
【三個粉絲去首爾】
追星實錄，即上韓劇讀： http://hk.apple.appledaily.com/kstar