曼聯幫日本杯麵贊助商賣廣告，幾位球星被畫成動漫主角，球技有咁誇張得咁誇張，炮彈咁嘅傳球，又會跳到10層樓咁高，睇落係幾有霸氣嘅，但我求大俠就覺得畫得麻麻哋，因為啲球星唔太似樣囉！迪馬利亞（上圖）面尖尖，朗尼凶神惡煞，算易認，可以收貨，但最尾出場嘅尹佩斯真係完全唔似，如果唔係睇到球衣冧巴，真係認唔出！
另外，曼聯上星期六以1:0險勝水晶宮，叫做識贏番波，但曼聯其實全場得個圍字，唔見有幾多次威脅埋門。領隊雲高爾都話，佢仲未搵到最佳陣容，「我同意，我的確變陣太多。我一直想搵一個平衡，大家都見到我哋近4場比賽，失波少咗，但同時入波都少埋。」雲帥仲用「Crazy」嚟形容曼聯嘅傷兵情況，「我執教生涯入面從未見過咁多傷兵。」
識睇，一定係睇足英台【英波Live】：
http://soccer.appledaily.com
http://bit.ly/engballlive