娛樂圈男歡女愛都係好正常嘅事，早前有一對過氣嘅男女藝員「得意妹」同「家明」鬧復合，家明公開話要等時機成熟，得意妹就鬼咁風騷。其實家明一向都好有女人緣，同得意妹一齊之前仲有個拍咗好耐拖嘅女朋友「C姐」，當時有人話因為得意妹嘅介入，令到佢哋分手收場，C姐當然傷心到飛起！唔知咁啱定咁蹺，最近得意妹同C姐同時出席活動，冤家路窄，向來好識做嘅得意妹表現得鬼咁大方，相反C姐就係咁避，搞到在場記者好嬲，佢仲不停解釋話唔知對方在場，點知事後有人拆穿佢係大話精，其實雙方一早已經知道對方on list，C姐仲要同得意妹爭第一個出場㖭！事後知道得罪咗啲記者，C姐仲要公關發聲明，咁都得？
撰文：關仁
【三個粉絲去首爾】
追星實錄，即上韓劇讀: http://hk.apple.appledaily.com/kstar