香港半島都有唔少特色，除咗綠寶、奶皇月餅等等，仲有就係門僮（pageboy）。作為香港開埠以來歷史最悠久嘅其中一間酒店，半島1928年開張起，就率先引入門僮呢個職位，之後成為半島標誌，其他本地酒店都紛紛仿效，門僮都會着一式一樣潔淨整齊全白制服並且戴帽。
半島駐店朱古力大師，趁聖誕節嚟個crossover，親手製作咗經典朱古力門僮，而且仲可以為客人寫上祝福字句，令門僮甜蜜蜜登場，但需三天前預訂，每個220元。半島仲重推出一系列限量版雪人門僮禮品，包括多款限量版朱古力、曲奇和果醬，部份收益將會捐贈俾願望成真基金，為患重病兒童實現夢想。