周麗淇（Niki）與林峯主演的劇集《大漢賢后衛子夫》早前在內地播映獲得高收視，連帶兩人人氣急升，特別是Niki一度進身百度內地藝人榜十大位置，有內地製作公司即請她本月底去橫店拍劇， 一集酬金達到20萬人民幣，昨日她說：「喺內地發展係個好開始，未來我專注喺內地發展。」是否拒與寰亞續約？她說「老闆其實對我好好，𠵱家洽談中。」
不過Niki出發去內地掘金前，日前先到台灣的綜藝節目《大學生了沒》宣傳《大》劇。節目中，她要親吃古靈精怪的食品，今次就要吃蒜頭燉青蛙湯，她說：「用香草、蒜頭、薑絲同埋米酒燉青蛙湯原來係地道食材，但我見到原隻燉熟咗嘅青蛙平伏喺碟度就唔開胃，飲落去都帶啲腥味，休息時要狂飲水沖淡味覺，所以晚上我去咗食麻辣火鍋。」
採訪：鍾國仁
【三個粉絲去首爾】
追星實錄，即上韓劇讀: http://hk.apple.appledaily.com/kstar