白鴿黨主席劉慧卿日前接受無綫節目《講清講楚》訪問時話喎，雖然泛民已經表明會否決政改方案，但如果政府喺下階段諮詢拋出嚟嘅方案無不合理限制，白鴿黨認為可以討論，惹嚟外界質疑白鴿黨轉軚疑雲，搞到卿姐噚日主動會見傳媒，澄清當日言論並非此意。
卿姐強調，人大常委8.31定出嘅政改框架，至今自己都認為係冇可能冇不合理限制喎，所以白鴿黨係一定會否決政府提出嘅方案，言下之意係其他人咪咁多猜疑啦！至於會唔會參與辭職變相公投呢，卿姐話白鴿黨樂意討論㗎，但各黨派至今都未有決定，而佢好尊重公民黨湯家驊提出嘅反對意見，認為成場民主運動應該大家一齊操作。