現年50歲的吳啟華宣佈與結婚十年的內地女星石洋子離婚後，昨日首次出席公開活動，與陳嘉容及馬德鐘出席旅遊箱品牌活動。啟華早前帶了女兒到塞班島旅行，他透露現正計劃下月再帶女兒到日本慶祝生日。
頭痛女兒入學
問啟華會否與太太石洋子同行？他指大家關係其實不太差，可以的話會一齊去，或者外母都會去，問到離婚手續進展如何？他說：「仲未正式簽紙，但大家都分開咗幾年，其實都習慣咗分開生活，女兒都習慣咗同婆婆生活，同我哋一齊就係放假嘅時候。」
啟華又指，現在較憂心女兒未來的居所，因為她即將讀書，他說：「諗緊安排佢去南方定香港生活，因為由細到大都係外母湊佢，冇理由返學反而婆婆唔喺身邊，但要外母長期嚟香港住又唔方便，簽證都好有問題，所以可能會喺深圳住，亦可以近我多啲。」
「有能力會買」
有報道指石洋子過份花錢是婚姻破裂原因之一，啟華替太太說好話：「咁靚嘢想買係人之常情，除非我冇能力，有能力會滿足佢，而且佢係我太太，唔買畀佢買畀邊個？」他又表示已跟被指介入其婚變事件的黃心穎及身邊一些朋友道歉。
同場的陳嘉容表示現在大部份時間都在內地教儀態班，很少機會接觸男性，有朋友笑她應效法梁詠琪到西班牙走走，可能有機會認識到外籍男友，她則表示會考慮開男性儀態班，但首先要改變他們的言行舉止。
採訪、攝影：卓寶花
【三個粉絲去首爾】
追星實錄，即上韓劇讀: http://hk.apple.appledaily.com/kstar