官恩娜前日凌晨宣佈已訂婚，名花有主的她仍密密接工作，昨午到銅鑼灣宣傳氣管敏感藥物。她透露患有長期氣管敏感病，服藥十年，取笑未婚夫為「食藥控」，她說：「佢會成日問我食咗藥未，有時我都會發火。」
預定婚期在明年初，官恩娜慶幸妹妹結婚時婚禮鋪張又生了小孩，她可以一切從簡，還爆男友求婚早有預謀：「大溪地係法屬，年幾前我同男友講18歲時錯過冇申領法國護照，男友就話有另一個方法，諗番係伏線。」她笑言結婚和生仔都會和公司夾期，但現時未有既定形式，給媽媽取笑唔中唔西。有人提議官恩娜可穿大溪地椰殼裝作婚紗，她說：「可以當係婚紗相，但要搞好身材先，嗰啲好性感。」
採訪、攝影：卓寶花
【三個粉絲去首爾】
追星實錄，即上韓劇讀: http://hk.apple.appledaily.com/kstar